Bloggfærslur mánaðarins, febrúar 2009

10 góða ráð fyrir stjórnmálamenn sem ætla að hafa áhrif og ná árangri

 

Skrifaðu þína eigin kynningu sem þú vilt að fundarstjóri noti.

Vertu alveg viss um hverjir muni verða áheyrendur þínir, af hverju þeir koma og af hverju þú ætlar að tala.

untitled4Mættu snemma og fullvissaðu þig um að þú sért sáttur við aðstæður og þau tól og tæki sem þú ætlar að nota.

Fyrstu 30 sekúndurnar eru mikilvægastar. Ekki nota þær í "góðir fundarmenn bla bla bla" eða í að tala um veðrið. Byrjaðu strax á mikilvægustu upplýsingunum og endaðu svo á toppnum. Ekkert jamm, japl og fuður.

Ekki byrja ræðuna þína á brandara nema þú sért snillingur í því að segja brandara. Ef þú segir misheppnaðan brandara munt þú missa athyglina og traustið.

Ef þú ætlar að tala í 15 til 30 mínútur skalt þú ekki reikna með að geta sagt allt sem þú vildir sagt hafa. Leggðu áherslu á tvö til þrjú mikilvægustu atriðin.

Notaðu tölur í hófi. Notaðu frekar stærðir. Fátt er leiðinlegra að hlusta á en tölur og þær gleymast fljótt.

Ekki lesa ræðuna þína. Horfðu á áheyrendur og hafðu athygli þín á þeim. Skrifaðu gjarnan niður minnispunkta í réttri röð og talaðu út frá þeim.

Segðu áheyrendum; hérna vorum við, hér erum við og þangað ætlum við. Notaðu við en ekki þið.

Útsettu ræðuna þína fyrir flutning. Æfðu þig eins oft og þú hefur tök á. Spurðu sjálfan þig eftir hverja setningu eða málsgrein;  skiptir þetta megin máli? Ef ekki strikaðu það þá út.


Sölumennska á erfiðum tímum

Allir eru að tala um kreppuna. Flest fyrirtæki eru þegar farin að finna fyrir henni.
Eftirspurn hefur minnkað og sölufólk segir að það verði sífellt erfiðara að loka sölu. Sölufólk selur ekki aðeins vörur og þjónustu heldur líka viðhorf og trú á framtíðina.
Góður sölumaður veit að hann eða hún getur aldrei selt neinum ef andrúmsloftið er neikvætt. Góður sölumaður er alltaf í "stuði", trúir á sjálfan sig og þá vöru eða þjónustu sem hann selur og hjálpar viðskiptavinunum. Þetta á ekki síst við þegar þeir eru með vindinn í fangið. Á slíkur tímum verður sölufólkið að fá alla þá aðstoð sem það getur og nota alla þá þekkingu sem fáanleg er.
Því meiri sem samkeppnin er því mikilvægara er að sölufólkið hafi réttu vopnin til að berjast með. Sölumennska snýst mikið um að halda upp rétta andrúmsloftinu ekki síður en kunna og skilja réttu aðferðirnar á erfiðum tímum.

Er þitt fyrirtæki tilbúið í slaginn?

Nýjar hugmyndir í sölumennsku
námskeið fyrir sölufólk

Árangur í sölumennsku og nútíma sölutækni byggja á því að seljandinn sé virkur og geri sér grein fyrir því að árangur hans er undir honum sjálfum kominn, ekki viðskiptavininum eða fyrirtækinu sem hann vinnur hjá. Kynntar verða nýjar hugmyndir í sölumennsku sem eru ræddar og útfærðar í vinnuhópum.

Meðal þess sem tekið verður fyrir er:

  • Söluhringurinn, sölufundurinn og hvernig sölumenn gera sig eftirminnilega?
  • Hvernig vilja viðskiptavinir láta koma fram við sig?
  • Hvernig skapast viðskiptatryggð?
  • Mótbárur - hvaða mótbárur eru raunverulegar og hvernig tökum við á þeim?
  • Einnig verður fjallað um viðhorf og viðmót sölumanns og aðra árangursríka þætti.
    Framkoma, viðmót og afstaðan til viðskiptavinarins skiptir sífellt meira máli.
  • Í harðri samkeppni um hylli neytenda geta ýmis smáatriði líka ráðið úrslitum um það hvaða orðspor fer af þjónustu fyrirtækis.

Fyrir hverja?

Ætlað starfsfólki verslana,  sölufyrirtækja svo og öllum þeim sem starfa í þjónustu.

Tímalengd: 3 til 6 klst. Námskeiðið er sérsniðið eftir þörfum hvers fyrirtækis.

Meiri upplýsingar í sími 690 7100

 


Innskráning

Ath. Vinsamlegast kveikið á Javascript til að hefja innskráningu.

Hafðu samband