45 gráður í Marmaris í gær

Ég var í Marmaris í gær með stóran hóp af Íslendingum, sem dvelur hjá okkur á Rhodos. Við fundum rækilega fyrir hitanum og staðfest var við okkur að um kl. 14 í gær var hitastigið 45 gráður í Marmaris. Við vorum því öll dauðfegin að komast aftur yfir til Rhodos þar sem nær alltaf er gola frá hafinu og hitinn miklu bærilegri. Við ókum um rétt hjá þar sem eldurinn kom upp í dag en aðalatriðið er að búið sé að slökkva eldinn og engan sakaði

Skógareldar í Marmaris

Menningin blómstrar á Rhodos

 

Í vikunni kom út menningardagskrá Rhodosborgar sem inniheldur alla helstu menningarviðburði sumarsins. Það er óhætt að segja að nóg sé um að vera því dagskráin fyllir þrjá heilar síður. Þarna er urmull af tónleikum, konsertum og leik- og óperuverkum.  Það sem gladdi mig einna helst var að sjá þarna Grísku söngkonuna Nana Moushouri og Kúbusveitina  sveitina Buona Vista Social Club. Þegar ég var við nám í Bretlandi um 1970 var Nana óhemju vinsæl þar og oft talað um hana sem fallegustu söngkonu í heimi "með gleraugu". Við strákarnir vorum allir rosalega skotnir í henni enda stórglæsileg kona hér á ferðinni.  Ég er alveg ákveðinn í að missa ekki af tónleikunum hennar þann 11. júlí n.k. Kúbanarnir verða hér 22. júlí og vissara að tryggja sér miða um leið og miðasalan hefst.

 

Lífið er dásamlegt á Rhodos – 100 manna þjóðhátíð.

 

Lífið hér á Rhodos er bara dásamlegt. Um þessar mundir er dálítið heitt og hitinn á daginn fer vel yfir 30°. Þegar ég fór út að borða í gærkvöldi um kl. 21:30 stóð hitamælirinn minn í sléttum 30°. Hér hefur ekki sést ský á himni síðan við komum hingað þann 24. maí. Því var gaukað að mér að um daginn hafi Rhodos verið eini viðkomustaður íslenskra sólarlandafara þar sem veðrið var betra en gott. Þóra Katrín sagði mér t.d. að veðrið heima hjá henni á Ítalíu hafi verið hálf leiðinlegt, kalt og rigning.
Við héldum 17. júní hátíðlegan með um 100 íslendingum sem fóru í skrúðgöngu sem endaði á veitingastað þar sem allir borðuðu saman. Virkilega vel heppnað kvöld þar sem við borðuðum góðan mat, lékum íslenska tónlist og fórum í kvæðakút. Fyrri parturinn sem átti að botna var svona:

Gaman er á Grikklandsströndu
glöð þar stígum Zorbadans.
Botninn sem vann var svona:                                               
Sækjumst eftir sætum Ajopi
oft þeir hafa sætan rass.

Aðrar sem bárust voru afar skemmtilegar en rétt er að taka fram að ekki þurfti neitt sérstaklega að fylgja reglum um bragarhátt:

Gaman er á Grikklandsströndu
glöð þar stígum Zorbadans.
Einn - tveir Mythos og Jagermæster                                 
og kellingin má fara til andskotans.

Gaman er á Grikklandsströndu
glöð þar stígum Zorbadans.
Við skálum öll í sterkri blöndu
og stígum svo í vangadans.

Seyðfirskur tími - frábær hugmynd

Las það á www.sfk.is að haldinn hafi verið borgarafundur á Seyðisfirði, þar sem samþykkt var að skora á ríkisstjórnina að breyta klukkunni eins og gert er í mörgum Evrópulöndum og að ég held í Ameríku líka. Rökin þeirra skil ég afar vel enda fæddur og uppalinn á Seyðisfirði auk þess að hafa búið þar í 10 ár eftir að ég komst á fullorðinsár. Rökin fyrir stuðningi mínum eru þessi: Ég er sammála öllum rökum Seyðfirðinga, þetta er smart "pr mál" fyrir lítið samfélag þegar flest allar fréttir snúast um versnandi efnahag og hækkun olíuverðs, klukkan mín í Grikklandi er þremur tímum á undan klukkunni á Íslandi, sem oft er frekar óþægilegt en yrði aðeins tveimur eftir breytingu. Að auki get ég nefnt að tími lífsmíns á Seyðisfirði var frábær og þaðan á ég margar af mínum bestu minningum. Seyðfirðingar, ef Geiri og Imba nenna ekki að hlusta á hugmyndir ykkar þá styð ég eindregið hugmyndina um "Seyðfirskan tíma".

Rhodos er yndisleg - frábærar móttökur

Það er gott að vera kominn aftur til Rhodos og móttökurnar sem við höfum fengið hér eru magnaðar, örugglega hundruðir af faðmlögum og ótrúlega margir muna meira að segja eftir manni með nafni. Gömlu konurnar mínar á neðri hæðinni  hér í Diagorusarstræti knúsuðu mig fastar en ég átti von á og ég var eiginlega að missa andann þegar þær loksins slepptu takinu. Marios vinur okkar á skrifstofunni er aðeins hljóðlátari en í fyrra og aðspurður hvers vegna svaraði hanna að bragði "more fuckt up than last year" en ég veit að það mun breytast fljótt.

Dagskráin okkar er kominn í fullan gang og alltaf á mánudögum förum við í bæjarrölti í gömlu Rhodos borg og endum í stórveislu á veitingahúsinu Romeo. Við erum með hringferð um eyjuna, ferðir til Symi, til Marmaris í Tyrklandi að ógleymdu Grísku kvöldi með tilheyrandi mat, dansi og söng.

Ég er kominn með netsamband hérna heima og gríska símanúmerið mitt er [phone].  Á fimmtudaginn var ég nýkominn heim úr vinnunni, kveikti á tölvunni minni, stillti á beina útsendingu hjá Rás 2 og nánast í sömu mund reið Suðurlandsskjálftinn yfir. Það var nokkuð ógnvekjandi að fylgjast með útsendingunni fyrstu mínúturnar en fréttafólk RUV stóð sig með mikilli prýði og á mikinn heiður skilið fyrir frammistöðuna og fagmennskuna.
Í gærkvöldi vorum við boðin í grill hjá Nektaríu vinkonu okkar og hennar manni en Nektaría er aðalleiðsögumaðurinn okkar hér á Rhodos.  Yndislegt kvöld með góðri sögustund.  Hitinn hér er dásamlegur, 30°+ og þá er hitinn á kvöldin svona um 20°.

Hiti úr Karabíahafinu - fínt á Rhodos líka

Nú eru vinir mínir á Kúbu og Dóminíska lýðveldinu að senda austfirðingum svolítið af sínu yndsilega loftslagi. Hafi þeir bestu þakkir fyrir.  Ég er hinsvegar á leiðinni til Rhodos og þar er veðurspáin eins og sést á meðfylgjandi mynd. Vonandi fá allir sem mest af góða veðrinu í sumar.

Næstum óraunveruleg veðurspá

Rhodos heillar - enn og aftur

 

Þá er komið að því að halda til Rhodos á ný og brottförin er á laugardag.  Ég er fullur tilhlökkunar og tel niður mínúturnar.  Ég ætla að dvelja að þessu sinni á Rhodos fram til 20. september og á örugglega eftir að njóta hverrar mínútu.  Rhodos er yndislegur staður, þar sem sagan er á hverju strái. En það er ekki það eina sem heillar.  Rhodosbúar eru frábært fólk - eyjaskeggjar eins og við og í raun eigum við afar margt sameiginlegt. Ekki síst það að vera "skorpufólk". Á sumrum þegar ferðamannavertíðin stendur sem hæst þá vinna þeir flestir myrkranna á milli með bros á vör og fá þekki ég jafn geðgóða, hjálpsama og dugleg þrátt fyrir mikið álag.

Það verður ekki síst skemmtilegt að hitta vin minn Marios og heyra hann hvellu tenórrödd hljóma um alla miðborgina þegar honum mislíkar eða eitthvað er um það bila að fara úrskeiðis. Ég hef sagt það áður og segi það bara aftur; "þegar Marios upphefur raust sína þá dansar Rhodos"

Ég reikna með að búa í sömu íbúðinni og í fyrra í Diagorasarstræti í bænum Ialysos, sem er í um 10 km fjarlægð frá Rhodosborg.  Það er alveg dásamlegt að búa í þessum gamla og fornfræga bæ sem var á sínum tíma (fyrir stofnun Rhodosborgar) einn af þremur borgríkjum eyjunnar. Í sundinu að innganginum mínum reikna ég með að hitta gömlu hjónin sem þar búa - það verða örugglega fagnaðar fundir. Þau sitja oftast þarna úti í skugganum síðdegis þegar ég kem úr vinnunni og ósjaldan gauka þau að manni einhverju góðgæti sem þau hafa annað hvort ræktað sjálf eða frúin útbúið. Ég má til með að færa þeim eitthvað góðgæti frá Íslandi en ég hef bara ekki hugmynd um hvað það ætti að vera. Smá hangikjöt? Nei varla, verð að fá betri hugmynd.

Þóra Katrín og Hildur Ýr verða þarna líka eins og í fyrra. Betri samstarfsmenn get ég varla hugsað mér.

Ég er búinn að vera duglegur í vetur að viða að mér efni um Jóhannesar Riddarana, sem svo sannarlega settu mark sitt á Rhodos áður en tvö hundruð þúsund manna her Tyrkja náði að hrekja þá á brott og þeir settust að á Möltu og hafa síðan verið kallaðir Mölturiddarar.  Nú er bara að vinna út öllu þessu efni og vera duglegur að miðla öðrum af þessari stórmerku sögu.

Ég ætla að reina að vera duglegur að blogga frá Rhodos um leið og ég verð kominn í tölvusamband. Vona að það verði sem fyrst. Þeim sem hafa áhuga á að vera í sambandi bendi ég á Skype-símann - það kostar ekki krónu.

Í tilefni af félagsfræðilegri rýni á Sigmund set ég hér með myndirnar mínar eftir hann í dóm bloggara

Vona að félagsfræðingarnir hjá Contexts.org finni þær á vefnum og setji í þær undri "félagsfræðilega rýni". Vil gjarnan að það komi fram að Sigmund er örugglega mesti og besti húmoristi Íslands, fyrr og síðar.

Myndasaga Sigmunds gagnrýnd

Fréttir frá Fíladelfíu

 

Bara góðar fréttir. Elsa fékk niðurstöður úr síðasta "skanna" í um daginn og þær eru bara mjög góðar - ekkert að sjá og ekkert að gerast. Betra getur það ekki verið og sannast nú enn og aftur að engar fréttir eru góðar fréttir. Hún fer í næstu skoðun í júlí og við gerum öll ráð fyrir að það sama verði upp á teningnum þá - vonandi.  Hún er núna í sinni mánaðarlegu lyfjameðferð og gengur ágætlega.  Eina sem er að valda henni erfiðleikum er að hún má ekki aka bíl, alla vega ekki næstu tvo til þrjá mánuðina og þeir sem til þekkja vita að það er ekki ákjósanleg staða í Ameríku.

Um daginn fóru krakkarnir í skólanum hennar Raquel í krabbameinsgöngu undir yfirskriftinni "LIVE STRONG" og var hún tileinkuð Elsu. Í bréfi sem Elsa sendi mér segir: "Check this out.  Raquel's school is having a relay for life, which is a walk for the children to bring awareness to cancer.  Her teacher thought it would be a good idea to sponsor someone with cancer on their walk and the teacher suggested me! and guess what I won! Here are the pictures of the children with their pledge signs saying who they will walk for in the relay for life(me).  What an honor.  Raquel was very happy and proud.  I thought you would love to see it." Samstaðan og samhjálpin er enn til staðar og alveg ótrúlegt hvað samfélagið stendur vel saman þegar einhver á í erfiðleikum.

 

Michael Gisli  for a Philadelphia Phillies Baseball, Hafnaboltaleik um helgina með ömmu sinni.  Hann fékk að hitta nokkra leikmenn og einn þeirra áritaði húfuna hans. Einnig voru teknar myndir af þeim og settar a heimasíðu Phillies. Þetta er eitthvað sem ungur maður á eftir að mynnast lengi því þessir íþróttamenn er miklar hetjur og ekki á hverjum degi sem ungir menn fá slíkt tækifæri.

Þetta verðið þið að sjá - Hversu mikið er brazillion?............