Aðdáandi the Philadelphia Phillies Baseball númer 1

Dóttursonur minn og nafni Michael Gísli er greinilega orðinn aðdáandi Phillies hafnarboltaliðsins númer eitt. Þetta er í annað sinn á skömmum tíma sem hann fer að sjá leik með þeim og kærir sig sennilega kollóttan þó Ólympíuleikarnir séu í fullum gangi á meðan. Myndin sem fylgir náði ég að nappa af síðunni þeirra með smá brellum en þarna er hann með Birnu mömmu sinni og greinilega ánægður með sína menn.

Ágætis byrjun - til hamingju Ísland

Þetta var ágætis byrjun hjá íslenska liðinu. Svolítið sveiflukennt en Rússarnir áttu samt varla von. Reyndi að leita að leiknum á sjónvarpinu mínu en það eina sem var í boði var endursýning frá róðrarkeppni og bein lýsing á körfubolta milli Þjóðverja og Afgana sem áttu heldur aldrei sjens.

Ísland lagði Rússland

Hvernig í ósköpunum dettur bloggurum í hug að opinbera eigin huganagang með athugasendum við þetta viðtal við Bubba

Dæmi frá: Höfundur Dagbjartur Önundarson er háskólagenginn aðili sem hefur áhuga á þjóðmálum, viðskiptum, tölvum og fjarskiptum. Hér hyggst hann einbeita sér að fjarskiptamálum og tengdum málefnum.

Seldu Range Roverinn

og settu peningana á innlendan sparnaðarreiking með 15% ávöxtun

 

Allur sparnaðurinn fór

MR ingar skemmta sér vel á Rhodos

Meðal gesta sem dvelja hjá okkur um þessar mundir er rúmlega 180 6. bekkingar úr MR, sem eru hér í útskriftarferð. Krakkarnir eru öll á sama hótelinu og virðast kunna hag sínum vel. Þau skemmta sér konunglega og eru dugleg að skoða sig um. Síðasta mánudag fóru um 100 þeirra með okkur í skoðunarferð um Rhodosborg þar sem þau gleyptu í sig söguna. Við fórum m.a. upp á Akropolis og skoðuðum rústir Appolo hofsins og hinn forna íþróttaleikvang sem þar er. Þá fórum við inn í gömlu borgina og gengum um hverfi Jóhannesarriddaranna, niður Riddaragötuna og inn á Hippokratisartorgið. Við enduðum síðan í glæsilegum kvöldverði þar sem snæddur var grískur matur.
Í gærkvöldi var svo TOGA kvöldið þeirra sem mikil hefð er fyrir í útskriftarferðum. Þá klæðast allir TOGA búningi (sem er nú bara hvítt lak!), masseruðu frá hótelinu að veitingastað við ströndina þar sem hátíðin var haldin. Grill hlaðborð, drykkir og dúndrandi tónlist.
Það er óhætt að fullyrða að þau vekja mikla athygli hér enda glæsilegur hópur ungs fólks á ferðinni. Ég hef sett inn myndaalbúm með myndum frá því í gær.

Chloe kemur í heimsókn

Chloe er væntanleg í heimsókn til mín n.k. miðvikudag 13. ágúst og ætlar að vera í eina viku. Hún hefur verið duglegust allra að sækja mig heim mér til ómældrar ánægju. Ef ég man rétt kom hún fyrst til mín þegar ég var á Spáni 2003 og keyrðum saman frá Barcelona til Albufeira í Portúgal og komum víða við. Hún hefur síðan komið til mín á hverju sumri nema 2006 þegar ég var á Fuerteventura en þá hittumst við á Ítalíu um haustið þegar hún kom frá Indlandi og við þvældum um allt. Til Florens, Rómar, San Marino og Feneyja svo eitthvað sé nefnt.
Hún ætlar að fara með mér í Súpersiglingu með MR ingana sem eru hjá okkur núna og svo erum við búin að plana að fara í Fiðrildadalinn til Lindos og ýmislegt fleira. Ég sendi henni msn og bað hana að senda mér innkaupalista yfir það sem hún vildi hafa í húsinu þegar hún kemur og hann var ekki langur; ávextir, frappe-mix og sojamjólk. Myndina sem fylgir hér með tók ég af henni í fyrra sumar þar sem hún lætur fara vel um sig í sjónum í Antony´s Bay - flóa Grikkjans heimsfræga Antony Quinn.

Dísin & Dalurinn

Þessa skemmtilegu mynd fann ég á netinu og heiti myndarinnar er "Dísin & Dalurinn. Ef ég skil þetta rétt þá stendur það fyrir Valdísi Thor og Gylfa Blöndal, sem gengur gjarnan undir nafninu Dalurinn og hann kallar mig stundum "gamla Dal" Svolítið kjút og það er myndin líka.

Ánægjuleg frétt fyrir mig og mína á visir.is um Alxheimer

Þessa góðu frétt las ég í dag á visir.is. Fréttir um ný lyf eru sífelt að birtst en ég vona svo sannarlega að þessi eigi eftir að marka tímamót.

Hafa fundið lyf gegn Alzheimer sjúkdóminum

Breskir vísindamenn hafa þróað lyf sem vinnur gegn Alzheimer-sjúkdóminum

Prófanir með lyfið sem kallast Rember, lofa mjög góðu. Í frétt um málið á BBC fréttastöðinni segir að af þeim 320 Alzheimer-sjúklingum sem lyfið var prófað á reyndust rúmlega 80% þeirra ná töluverðum bata.

Prófanir með lyfið fóru fram í háskólanum í Aberdeen og segja vísindamennirnir þar að lyfið dragi úr uppbyggingu á sérstöku prótíni í heilanum. Sérfræðingar í Alzheimers-sjúkdóminum hafa fagnað þessum rannsóknum en segja að frekari prófanir þurfi að gera á lyfinu. Hinsvegar virðist sem fyrsta raunverulega lækningin á Alzheimer sé fundin.

Sá sem stjórnaði rannsókninni, prófessor Claude Wischik segir að lyfið gæti farið á almennan markað árið 2012.

Umfangsmikil rannsókn á lyfinu er áformuð á næsta ári og þá á að kanna hvort hægt sé að nota það til að koma í veg fyrir að fólk fái Alzheimer.

Það er meira en fyndið að sjá.........

.....myndina sem fylgir þessari frétt á mbl.is.  Í fyrsta lagi er þetta úr leik Grindvíkinga og KR og í öðru lagi var hetja leiksins Helgi Sigurðsson að sjálfsögðu víðs fjarri á myndinni. Helgi spilaði um tíma hér í Grikklandi með Panathinaikos og ef ég man rétt þá spilaði hann sinn fyrst leik með þeim gegn Rhodos og skorði tvö mörk. Með þessari færslu fylgir að sjálfsögðu viðeigandi mynd. Áfram Valur,  þið eruð á góðri siglingu.

Helgi með þrennu og Valur vann Grindavík 5:3

Enn loga eldar á Rhodos - dagur 5

Skógareldarnir sem hér hafa geysað í 5 daga eru enn að hrella eyjaskeggja. Eldarnir eru á suðurhluta Rhodos í um 50 km fjarlægð frá okkur, sem öll erum á norðurendanum á eyjunni. Ásgeir Tómasson fréttamaður á RUV var með ágæta samantekt á stöðunni í hádegisfréttum í dag og hér er linkurinn á fréttina:  

http://dagskra.ruv.is/streaming/ras2/?file=4371308/9

Flott mynd af Gylfa í Morgunblaðinu í dag

Í Morgunblaðinu í dag, laugardag, er viðtal við Gylfa í tilefni af árs afmæli Organs. Með viðtalinu fylgir þessi líka fína mynd af piltinum sem ljósmyndarinn Valdís Thor hefur tekið. Ég tek mér það bessaleyfi að birta hana hér og Valdís sendir Gylfa þá bara reikninginn ef ég er að gera eitthvað sem ég má ekki.