Jarðskjálfti á Rhodos

Það var ónotalegt að vakna upp um kl. 06:30 í morgun að jarðskjálfti skók rúmið mitt. Ég var svolitla stund að átta mig á hvað væri eiginlega í gangi. Skjálftinn sem reyndist vera um 6,3 stóð í dágóða stund og hér í nágrenninu fór allt á fullaferð. Fólk þusti út úr húsum og hundarnir geltu eins og óðir væru.
Samkvæmt fréttunum hér átti skjálftinn upptök sín í hafinu hér suður af Rhodos á um 13 km dýpi og var eins og áður sagi 6,3 eða svipaður skjálftanum heima fyrr í sumar. Yfirvöld hér upplýsa að ekki sé vitað um meiðsl á fólki eða alvarlegar skemmdir á byggingum.
Ég fór skömmu síðar og kíkti á fólkið okkar á fjölmennustu hótelunum og sátu þá flestir úti í garði og spjölluðu. Ekkert amaði að enda tóku flestir þessu með stóískri ró því ýmsu vanir í þessum efnum.

Athugasemdir

[Sigurður Þorsteinsson, 15.7.2008 kl. 07:41]

Sæll Gísli minn. Rúmið mitt hristist líka kl. 6,30 í morgun. Sennilega hefur jarðskjálftinn náð hingað upp. .

Gísli, þessi litli skjálfti kom bara í pakkanum, eins úr hópnum þínum, héðan að heiman með Ópalinu sem þú baðst um. Þú misstir jú af skjálftanum hér í maí. Segðu svo að það sé ekki hugsað um þig! Bestu kveðjur úr sólinni heima.

[Ía Jóhannsdóttir, 15.7.2008 kl. 07:53]

Kveðja inn í góðan dag Gísli minn, þú kippir þér nú ekki upp við svona smá kipp

[Gylfi Blöndal (IP-tala skráð) 15.7.2008 kl. 15:59]

Ein kippa á mann, gamli Dalur!  Við misstum báðir af skjálftanum í maí en nú fékkst þú það bætt upp.  Ég vil skjálfa líka!!

Annars þóttir þú komast vel að orði á mbl.is, enda Dalirnir ekki þekktir fyrir annað.

 Ástar-  og saknaðarkveðjur,

Gylfi