Sölumennska á erfiðum tímum

Allir eru að tala um kreppuna. Flest fyrirtæki eru þegar farin að finna fyrir henni.
Eftirspurn hefur minnkað og sölufólk segir að það verði sífellt erfiðara að loka sölu. Sölufólk selur ekki aðeins vörur og þjónustu heldur líka viðhorf og trú á framtíðina.
Góður sölumaður veit að hann eða hún getur aldrei selt neinum ef andrúmsloftið er neikvætt. Góður sölumaður er alltaf í "stuði", trúir á sjálfan sig og þá vöru eða þjónustu sem hann selur og hjálpar viðskiptavinunum. Þetta á ekki síst við þegar þeir eru með vindinn í fangið. Á slíkur tímum verður sölufólkið að fá alla þá aðstoð sem það getur og nota alla þá þekkingu sem fáanleg er.
Því meiri sem samkeppnin er því mikilvægara er að sölufólkið hafi réttu vopnin til að berjast með. Sölumennska snýst mikið um að halda upp rétta andrúmsloftinu ekki síður en kunna og skilja réttu aðferðirnar á erfiðum tímum.

Er þitt fyrirtæki tilbúið í slaginn?

Nýjar hugmyndir í sölumennsku
námskeið fyrir sölufólk

Árangur í sölumennsku og nútíma sölutækni byggja á því að seljandinn sé virkur og geri sér grein fyrir því að árangur hans er undir honum sjálfum kominn, ekki viðskiptavininum eða fyrirtækinu sem hann vinnur hjá. Kynntar verða nýjar hugmyndir í sölumennsku sem eru ræddar og útfærðar í vinnuhópum.

Meðal þess sem tekið verður fyrir er:

• Söluhringurinn, sölufundurinn og hvernig sölumenn gera sig eftirminnilega?
• Hvernig vilja viðskiptavinir láta koma fram við sig?
• Hvernig skapast viðskiptatryggð?
• Mótbárur - hvaða mótbárur eru raunverulegar og hvernig tökum við á þeim?
• Einnig verður fjallað um viðhorf og viðmót sölumanns og aðra árangursríka þætti.
  Framkoma, viðmót og afstaðan til viðskiptavinarins skiptir sífellt meira máli.
• Í harðri samkeppni um hylli neytenda geta ýmis smáatriði líka ráðið úrslitum um það hvaða orðspor fer af þjónustu fyrirtækis.

Fyrir hverja?

Ætlað starfsfólki verslana,  sölufyrirtækja svo og öllum þeim sem starfa í þjónustu.

Tímalengd: 3 til 6 klst. Námskeiðið er sérsniðið eftir þörfum hvers fyrirtækis.

Meiri upplýsingar í sími 690 7100

 

Námskeið og fyrirlestrar á vorönn 2009

Að takast á við breytingar
- fyrir alla sem þurfa að takast á við breytta þjóðfélagsmynd og breyttar aðstæður

Nýjar hugmyndir í sölumennsku
- sjaldan eða aldrei hefur verið meiri þörf fyrir faglega sölumennsku

Nýjar hugmyndir í þjónustu
- í harðnandi samkeppni er þjónustan sem veitt er lykilatriði

Nýjar hugmyndir í sölu og þjónustu
- ætlað starfsfólki verslana og þjónustufyrirtækja

Þjónusta og sölumennska fyrir fólk í ferðaþjónustu
- besta leiðin til að auka tekjur fyrirtækja í ferðaþjónustu

Listin að leika sér í vinnunni
- stutt og skemmtilegt "pepp" námskeið fyrir alla vinnustaði

Hver tók ostinn minn?
- eitt vinsælasta námskeið heims eftir Dr. Spencer Johnsson

Listin að hafa áhrif
- fyrir þá sem þurfa að standa frami fyrir hópi fólks og hafa áhrif

Árangursríkir fundir
- að gera fundi í fyrirtækjum styttri, skemmtilegri og árangursríkari

Fundarsköp og fundarstjórn fyrir félagasamtök
- kennt eftir bókinni Fundarsköp og fundarstjórn eftir Jón Böðvarsson

Öll námskeiðin eru sérsniðin að óskum viðskiptavinar og byggja á fyrirlestrum, umræðum og vinnuhópum. Yfir 20 ára reynsla í samstarfi við fyrirtæki og stofnanir.

Meiri upplýsingar í síma 690 7100

  

 

 

Opið námskeið fimmtudaginn 11. desember

Að takast á við breytingar.
Fyrsta opna námskeiðið verður á Hótel Loftleiðum fimmtudaginn 11. desember kl. 15 - 18. Nánari upplýsingar er hægt að fá í síma 690 7100 og eins á www.stjornandinn.is Hægt er að skrá sig með því að senda tölvupóst á [e-mail]

Þetta námskeið er um ÞIG 
"Þú verður óþarfur ef þú breytist ekki"

Ath. Takmarkaður fjöldi þátttakenda. Gefðu sjálfum þér betra líf í jólagjöf

Nýtt námskeið - Nú þurfum við öll að takast á við breytingar

Að takast á við breytingar

Hvernig bregstu við öllum þeim breytingum sem nú eiga sér stað?  Reynist þér erfitt að sjá út fyrir rammann?

Til þess að nýta hæfileika okkar sem best verðum við að kunna aðferðir sem leiða okkur í átt til framfara.

Í síbreytilegu umhverfi verðum við að takast á við síbreytileg verkefni.  Við verðum að  þekkja styrkleika okkar og veikleika og kunnum að nýta okkur sem best þá hæfileika sem við búum yfir.

Flest erum við bundin í viðjum vanans og sjáum oft ekki út fyrir rammann - greinum ekki með jákvæðum hætti hvers við erum í raun megnug og hvernig við getum breytt aðstæðum okkur í hag.

Þetta námskeið hjálpar þér að takast á við verkefni þín í nútíð og framtíð. Þetta námskeið er um ÞIG og það hvernig ÞÚ ætlar að takast á við breytingar í lífi þínu. Það snýst líka um að sjá það jákvæða í lífinu frekar en það neikvæða. Ekki bara hvort glasið er hálf fullt eða hálf tómt heldur hvað er í glasinu!

Námsskeiðið er að hluta byggt á hugmyndum úr bókunum; Hver tók ostinn minn (Who Moved my Cheese), Yes! Attitude, Fiskur (Fish) og Change the Way You See Everything.

Á námskeiðinu lærir þú meðal annars:

Að viðurkenna og gera ráð fyrir breytingum

Að laga þig að breyttum tíma og nýta breytingarnar þér í hag

AHA formúluna

Að þú þarft að temja þér að búa til þitt eigið viðhorf og viðmót

Hvernig þú gerir þitt besta á hverjum degi

Að fas og framganga okkar skipti máli

Hvernig hægt er að hugsa jákvætt og að "Yes! Attitude" er gagnlegt á hverju sem gengur

Hvernig hægt er að "koma sér í stuð" á hverjum morgni og láta það endast allan daginn

Þetta námskeið er fyrir ALLA því ÖLL þurfum við að takast á við breytingar.

Námskeiðið er létt og hressilegt og tekur 3 klst. og byggir á fyrirlestri, hópavinnu og umræðum.

Leiðbeinandi er Gísli Blöndal, ráðgjafi, þjálfari og fararstjóri. Gísli er einn reyndasti leiðbenandi landsins með yfir 20 ára reynslu að baki og er þekktur fyrir hressilega framgöngu, lifandi og lærdómsrík námskeið.

 

Upplýsingar og bókanir í síma 690 7100

Nú er bara að bíta á jaxlinn og vona það besta

Nú fer að styttast í dvöl minni hér í Philadelphia að þessu sinni því ég flýg  heim á morgun (laugardag) og vera mættur í hasarinn á sunnudag.
Þrátt fyrir allt þá er þetta búinn að vera mjög góður tími og það er orðið alveg ljóst að lyfjameðferð Elsu er að skila tilætluðum árangri. Hún fór í "skanna" fyrir um 10 dögum og átti svo fund með krabbameinslækninum sínum snemma í þessari viku. Niðurstöðurnar eru áfram þær sömu; allt á réttri braut.  Það sem hinsvegar er að setja æ meiri strik í reikninginn eru flogaköstin.  Þau valda því að hún dettur út og getur ekki tjáð sig í nokkurn tíma á eftir. Eftir köstin kemur líka mikil þreyta. Þessi köst gera engin boð á undan sér og koma stundum þegar verst stendur á. Hún er að taka lyf sem eiga að hemja þetta eitthvað en virka mis vel og hafa töluverðar aukaverkanir. Hún ætlar trúlega að taka sér hvíld frá krabbameinslyfjunum í desember en halda síðan áfram næstu sex mánuðina og taka þá nýjar ákvarðanir varðandi framhaldið.
Nú hefur loksins verið ákveðið að hún fari inn á spítala til að láta rannsaka orsakir þessa og vonandi finna þeir um leið betri lyf sem virka betur og hafa minni aukaverkanir.  Hún leggst inn á spítalann í dag og reiknað er með að hún þurfi að vera þar í um viku tíma.  Ekki beint besta tímasetningin þar sem ég fer heim á morgun en tengdaforeldrar hannar ætla að koma frá Buffalo og vera hér með krökkunum meðan hún er á spítalanum. Þetta er sami spítalinn og hún var á fyrir um einu ári síðan en að þessu sinni verður hún í annarri byggingu. Ég hef mjög sterka tilfinningu fyrir því að eitthvað gott komi út úr þessu og vonandi svo mikið að hún geti aftur farið að keyra því það mundi gera lífið hér á Stauffer Road svo miklu auðveldara.´
Eins og ég sagði í upphafi þá er þetta búinn að vera góður tími ekki síst vegna þess að ég hef fengið að vera með afa-börnunum mínum og þau hafa verið mér eins yndisleg eins og hægt er að hugsa sér. Sonja er búin að finna pottþéttar leiðir til að stríða mér en segir svo alltaf þess á milli að hún elski afa. Raquel er orðinn mikill vinur minn og kveður mig alltaf þegar hún fer í skólann með "höggi" (faðmlagi) og segist munu sakna afa mjög mikið þegar hann fer heim. Okkur Victori kemur líka afar vel saman. Hann er mjög stilltur og prúður strákur, djúpt hugsi og mér mjög kær. Hann og Raquel er bæði dugleg í skólanum og með topp einkunnir í öllum greinum. Heimanámið er alltaf þeirra fyrsta verk þegar þau koma heim út skólanum og ekki farið út að leika sér fyrr en því er lokið.
Birna og Michael Gísli búa í Bristol, sem er í rúmlega klukkustundar fjarlægð en eru búin að vera dugleg að kíkja í heimsókn. Eins fórum við einn sunnudaginn í heimsókn til þeirra til að kíkja á nýju íbúðina og um leið í 70 ára afmæli Peg ömmu Michaels. Hann er duglegur í nýja skólanum sínum og kennararnir eru mjög ánægðir með hann. Þau ætla að koma til okkar í kvöld og vera hér í nótt til að geta keyrt mig á JFK flugvöllinn í New York á morgun.
Það hefur líka mikið verið í gangi þennan tíma og bera hinar sögulegu kosningar þar sjálfsagt hæst. Eins vara líka Race for Hope gangan mikil upplifun. Þar voru samankomin á bilinu fimm til sexþúsund manns í þeim tilgangi að vekja athygli á sjúkdómnum heilakrabbamein og safna fyrir rannsóknum á honum. Elsa var auðvitað í hópi "survivors" en við hin í hópi ættingja og vina. Liðið okkar hét Elsa´s Vikings og við vorum öll með víkingahatta sem vöktu mikla athygli ekki síst fréttamanna. Gangan hófs og endaði við Rocky-tröppurnar frægu fyrir framan Listasafnið í Philadelphia og auðvitað tók maður smá skokk upp tröppurnar á hætti Sylvester Stallone. Þá má ég ekki gleyma Hrekkjavökunni (Halloween) sem eins og í fyrra var stórhátíð barnanna með með tilheyrandi búningum, graskerum og ótal kílóum af sælgæti.
Ég er mjög kvíðinn að koma heim í allt vesenið sem ég hef þó fylgst með af og til. Hér er umræðan og ástandið í allt öðrum gír og í raun óhætt að segja að töluverð bjartsýni sé ríkjandi. Mike vinnur hjá fyrirtæki sem heitir Comcast og er stærsti dreifingaraðili á sjónvarpsefni, síma- og netþjónustu hér á austurströndinni og hjá því fyrirtæki eru breytingar eins og hjá flestum öðrum. Honum var tilkynnt í fyrradag að hann ætti að taka að sér fleiri og flóknari verkefni á næstu mánuðum sem eru góðar fréttir og þýða að hann er eins öruggur í sínu starfi og hægt er að vera.  
Nú er bara að bíta á jaxlinn og koma sér heim á klakann og vona að þetta reddist allt saman.

Góð vísa í tilefni atburðanna á Austurvelli sl. laugardag

Á Alþingi er eins og fyr
ekki mikil glæta.
Mundi ekki meira skyr
mega úr þessu bæta.

Höfundur: Benedikt Gíslason frá Hofteigi

Hér meiti skáldið ekki "að borða skyr.is", sem hefði í sjálfu sér verið ágæt hugmynd, heldur orti hann þetta í tilefni af atburði sem átti sér stað við þingsetningu 1972.

Sex dollarar fyrir hvert atkvæði og kosningakaffi á Starbucks

Nú er kosningaspennan alveg í hámarki hér í Bandaríkjunum þrátt fyrir að flestir spái Obama (NObama) sigri. Kosningasjónvarpið er löngu byrjað þrátt fyrir að um 9 klst. séu þangað til fyrstu kosningastöðum verður lokað.  Pensilvania er eitt af þessum ríkjum þar sem hvað mest spenna er í lofti og mikil örtröð var á kosningastöðvum um leið og þær opnuðu en síðan hefur heldur dregið úr og þegar þetta er skrifað er allt í þokkalegu jafnvægi.
Þetta er langdýrasta kosningabarátta hingað til (eins og raunar í hverjum kosningum) og lauslega reiknað eru frambjóðendur að verja sem nemur 6 $ fyrir hvert atkvæði. Obama er þar með höfuð og herðar yfir McCain og hafa auglýsingarnar hans í sjónvarpinu yfirgnæft nánast allt annað. Þetta eru ógnar háar upphæðir ef við reiknum þær á genginu í dag eða nálægt 800 krónum íslenskum.
Starbucks kaffihúsakeðjan (sem auglýsir sjaldan eða aldrei) hefur látið þau boð út ganga að allir sem þangað koma í dag og segjast hafa kosið fái frítt kaffi. Þetta myndum við á Íslandi kalla "kosningakaffi".
Hér loka kjörstaðir klukkan átta í kvöld en ekki fyrr en klukkan eitt í nótt (að okkar tíma ET) í Alaska, heimaríki Palins. Þrátt fyrir allar spár er víst að þetta verður bæði sögulegur og spennandi kjördagur sem örugglega verður skráður í allar sögubækur komandi kynslóða.

Myndiir frá Hrekkjavökunni (Halloweene)

Setti inn nokkrar myndir frá Hrekkjavökunni í gærkvöldi. Það var mikill handagangur í öskjunni og sannarlega ekki sælgætiskreppa í ríki Búss. Á myndinni er Victor úrvinda af þreytu eftir erfiða húsgöngu en afraksturinn var ærinn

Réttur maður á réttum stað á réttum tíma

Það er sannarlega rétt að óska Adolf og raunar allri þjóðinni með til hamingju með að hann skuli taka að sér að stýra þessum samtökum á erfiðum tíma. Adolf er mikill öðrlingur, fylginn sér og dugnaðar forkur. Hann hefur sýnt það og sannað með störfum sínum og framgömgu.
Adolf, ég hef grun um að gáski okkar og húmor eigi eftir að öðlast þyngra vægi síðar í vetur. Til hamingju.

Adolf Guðmundsson formaður LÍÚ

Stórir dagar framundan. Heimsmeistarakeppni, Race For Hope og forsetakosningar

Phillies náðu ekki því markmiði sínu að verða "heimsmeistarar"´í hafnarbolta í gærkvöldi þar sem leikurinn var stöðvaður um miðbik hann vegna rigningar og roks. Honum verður haldið áfram í kvöld ef veður leyfir og því er annað spennandi kvöld framundan.
Gestir eru væntanlegir frá Buffalo. Á föstudaginn kemur systir hans Mike og hans fjölskylda og á laugardaginn koma foreldrar hans. Öll koma þau til að taka þátt í "Vonargöngunni" RACE FOR HOPE á sunnudaginn. Búist er við mörg þúsund þátttakendum og liðið okkar "Elsa´s Vikings" verður örugglega ekki minnst áberandi.
Á þriðjudag eru svo kosningarnar miklu. Þá verður kosið til fulltrúadeildarinnar og fjölda annarra embætta auk þess að kjósa næsta forseta Bandaríkjanna. Án nokkurs efa verða þetta einhverjar sögulegustu kosningar sem hér hafa farið fram og margt bendir til þess að í fyrsta skipti verði blökkumaður kosinn forseti voldugasta ríkis heims (sumir mundu efalaust segja fyrrum voldugasta). Það er mikil spenna í loftinu út af þessum kosningum og um fátt annað talað á vinnustöðum og kaffihúsum.
Hér í Philadelphia truflar að vísu "heimsmeistarakeppnin" í hafnarbolta þessa umræðu en frambjóðendurnir og þeirra fólk halda áfram vinnu sinni þrátt fyrir það. Hér um slóðir er mikið um það að húseigendur setji skilti með nafni síns frambjóðanda á lóðir sínar og settu þær sterkan svip á umhverfið hér fyrir nokkrum dögum. En þá bar svo við að eina nóttina hurfu öll skilti með nöfnum McCain og Palin! Hér hafa sjálfsagt verið að verki stuðningsmenn Obama eða NObama eins og andstæðingar hans kalla hann.
Eitt er víst að allt verða þetta sögulegir dagar og ekki alveg ónýtt að vera staddur hér á miðju leiksviði atburðanna